ضاعت طيوري وهي كاالتالي

[خلودي515]

السلام عليكم رحمة الله وبركاتة وبعد
انا اخوكم خالد من سكان حي الشفاء انا ضاعت علي سبع حبات بس اشوى رجعت وحدة منهم بعد يومين والباقي مارجعت
طبعاً هي كاتالي الاول مقنبر ادرع الثاني اسود مقصوص راسه فيه خراش والثالث سودا موسطه الرابع زرقاء موسطه
والخامس ازرق مطرف على جهه والسادس اصقع ازرق محبب موسط
طبعاً هي ضاعت يوم الثلاثاء الموافق 13|9
تقبلو مروري اخوكم خالد

[محمد]

الله يرجعهن لك طيبات صاحيات وباحسن حال

[النشمي]

الله يردهم لك سالمين ومعوض انشالله

[غريب]

انشاءالله ترجع لك

[خلودي515]

مشكورين على المرور اخوي محمد اخوي النشمي اخوي غريب

بس صار معي موقف ودي تعلقون علية الي هو
ان وحدة من الحمام رجعت بس فيها شي غريب نوعاً ما الا وهو ان الطير يوم رجع لقيت علية ورقه مكتوب فيها
ياابو الفلان (طبعاً ذاكر اسم شخص ) الحمام الي تجيك تراها لي ولغيري لوسمحت طير الحمام الي تجي عندك وبالاخير كاتب
فاعل خير
طبعاً لي تعليق بعدين شاكر لكم

[محمد]

ان كانه كاتب اسم واحد ثاني غيرك (ابوفلان) فهو شاك ان حمامهم عنده ويظن حمامك لهالشخص
فمالك الا تدور على اللي كاتب هالرساله وبتلقى باقي حمامك عنده ان شاء الله

[خلودي515]

السلام عليكم رحمة الله وبركااتة
اية اخوي محمد مثل ماقلت بس تتبعت ورى الموضوع لقيت ان الشحض المذكور متعب الحارة الي هو يطير فيها وهو جحود مرة على كلامهم بس انا اقول الطريقة التي ارسلت بها الورقة هل هي لها فائده ام لا بتغير الشخص المذكور بالرسالة

[عطش]

هذي مشكلة أزلية للحمام وأهل الحمام


يعني تطير وتتعب وفي النهاية تضيع الحمام ولا ترجع ولا تلقاها


عجزت وأنا أدور حل للمشكلة ذي

لكن ؟؟؟؟؟؟؟؟؟؟؟؟؟؟؟؟؟؟؟؟؟؟؟

[ابوفارس]

شباب الله يرد لكم طيوركم جميعها .

ولكن اذا الطير فيه حجول ومذكور فيه رقم اتصال .. فأن اغلب الناس بيتصلوا على راعيه ويحدد موعد معاه لتسليمه الطير . ومن هنا تبدأ

التعارف على عيال الحلال الي يدور الواحد عليهم .

وهم موجودين بكثرة هذه الأيام والحمدلله .. اما اذا طاح الطير في يد واحد مايخاف الله ولا يرد حلال التاس فالله المستعان .

ولكن الواحد منا يعمل الأسباب ويخلي الباقي على الله . للرغبه في تفصيل الحجول . التوجه الى قسم البيع والشراء في المنتدى واخذ معلومات

تفصيل الحجول .

اللهم ياجامع الناس ليوم لاريب رد إلي ضالتي ..

[راعي النمش]

تحياتي للجميع
لو كل واحد يطير اللي يجيه ولا يصك عليه ولا يكوره صدقوني فان اغلب الحمام اللي ضاع راح يرجع بس المشكلة فيه ناس نفوسهم دنيئه ...
وتفصيل الحجول بالارقام صدقوني ما راح تحل المشكلة انا حاط تقريبا 30 طير فيها حجول وضاع منها تقريبا 15 طير على أوقات متفاوته والله العظيم مادق علي إلا ثلاث بس لا واحد منهم شكله خايف من انفلونزا الطيور على شان كذا دق علي والباقين ما دقوا تصدقون اني انقهرت :11sted_red: